குவைத் அமீர் அவர்களின் சகோதரி இன்று காலையில் மரணமடைந்தார் என்ற துயரமான செய்தி சற்றுமுன் வெளியாகியுள்ளது
குவைத் அமீர் அவர்களின் சகோதரி இன்று காலையில் மரணமடைந்தார்
குவைத் அமீர் அவர்களின் சகோதரி ஷேக்கா நூரியா அஹ்மத் அல் ஜாபர் அல் முபாரக் அல் சபா அவர்கள் மரணமடைந்தார் என்ற துயரமான செய்தி வெளியாகியுள்ளது. இதையடுத்து அவருடைய மறைவுக்கு ஐக்கிய அரபு எமிரேட்ஸின் தலைவர் ஷேக் கலீஃபா பின் சயீத் அல் நஹ்யான் அவர்கள் குவைத் அமீர் ஷேக் நவாப் அல் அஹ்மத் அல் ஜாபர் அல் சபா அவர்களுக்கு தன்னுடைய ஆழ்ந்த இரங்கல் செய்தியை அனுப்பியுள்ளார்.
இதுபோல் ஐக்கிய அரபு எமிரேட்ஸின் துணைத் தலைவரும் பிரதமரும் துபாய் ஆட்சியாளருமான ஷேக் முகமது பின் ரஷீத் அல் மக்தூம் மற்றும் அபுதாபியின் மகுட இளவரசர் மற்றும் ஐக்கிய அரபு எமிரேட் ஆயுதப்படைகளின் துணை உச்ச தளபதி ஷேக் முகமது பின் சயீத் அல் நஹ்யான் ஆகியோரும் அமீரின் சகோதரியின் மறைவுக்கு இரங்கல் செய்தியை அனுப்பியுள்ளனர். இதையடுத்து குவைத்தின் முக்கிய பொறுப்பில் உள்ளவர்கள் அமீர் அவர்களை சந்தித்து தங்களின் இரங்கலை தெரிவித்து வருகின்றனர்.முன்னதாக குவைத் அமீர் அவர்களின் சகோதரி ஷேக்கா நூரியா இன்று(29/03/21) திங்கள்கிழமை அதிகாலை காலமானார் என்ற தகவலும் வெளியாகியுள்ளது.
