Dec-13,2020
உலகெங்கிலும் இருந்து துபாய்க்கு வரும் பார்வையாளர்களை ஈர்க்க எமிரேட்ஸ் ஏர்லைன்ஸ் புதிய சலுகையை அறிமுகப்படுத்தியுள்ளது.
இந்த புதிய அறிவிப்பில் எமிரேட்ஸ் விமானங்கள் வழியாக துபாய்க்கு வருபவர்களுக்கு, விமானம் நிறுவனம் ஐந்து நட்சத்திர ஜே.டபிள்யூ மேரியட் மார்கியூஸ்(JW Marriott Marquis)-யில் இலவச தங்குமிடத்தை வழங்கும் என்று அறிவித்துள்ளது.
துபாய் சுற்றுலாத்துறையுடன் இணைந்து இந்த புதிய திட்டம் செயல்படுத்தப்படுகிறது. டிசம்பர் 6 முதல் அடுத்த ஆண்டு பிப்ரவரி 28 வரை துபாய் செல்லும் சுற்றுலாப் பயணிகளுக்கு இந்த சலுகை செல்லுபடியாகும்.
எமிரேட்ஸ் Economy Class பயணிகளுக்கு ஒரு நாள் சலுகையும் மற்றும் First Class, Business Class-யில் செல்லும் பயணிகளுக்கு இரண்டு நாட்கள் இலவச ஐந்து நட்சத்திர விடுதி கிடைக்கும். இதற்கிடையில், குளிர்காலம் தொடங்கியுள்ளதால், துபாய்க்கு வருகின்ற பார்வையாளர்களின் எண்ணிக்கை அதிகரித்துள்ளது.
