குவைத்தில் 2 இடங்களில் தீ விபத்து; ஒருவர் பலி 3 பேர் மருத்துவமனையில் அனுமதி:
Dec-07,2020
குவைத்தின் Salwa பகுதியில் ஒரு வீட்டின் முதல்தளத்தில் ஏற்பட்ட தீ விபத்தில் 58-வயது குவைத் பெண்மணி உயிரிழந்தார், மேலும் இரண்டு பேர் தீயினால் ஏற்பட்ட புகையில் சிக்கி மயக்கமடைந்தனர் என்ற தகவலும் வெளியாகியுள்ளது. இவர்களை தீயணைப்பு வீரர்கள் மீட்டு மருத்துவமனைக்கு சிகிச்சைக்காக அனுப்பி வைத்தனர்.
(Jabriya தீ விபத்து)
இதுபோல் குவைத்தின் Jabriya பகுதியில் கேஸ் சிலிண்டர் வெடித்து ஏற்பட்ட தீ விபத்தில் பணிப்பெண் படுகாயமடைந்தார். இதையடுத்து அவரை தீயணைப்பு வீரர்கள் மீட்டு மருத்துவமனைக்கு அனுப்பி வைத்தனர் என்ற செய்தி வெளியாகியுள்ளது.
இரண்டு விபத்திலும் வீட்டிலுள்ள பொருட்கள் அனைத்து சேதமடைந்தது. இதுபோல் நேற்று Hawally பகுதியில் ஒரு வீட்டில் ஏற்பட்ட தீ விபத்தில் 10 பேர் காயமடைந்தனர். இதில் ஒருவர் கவலைக்கிடமான நிலையில் மருத்துவமனையில் சிகிச்சை பெற்று வருகின்றார் என்பது குறிப்பிடத்தக்கது.
