பஹ்ரைனில் இரு வாகனங்கள் மோதி ஏற்பட்ட பயங்கரமான விபத்தில் 5 வெளிநாட்டு தொழிலாளர்கள் உயிரிழந்தனர்
Image : விபத்தில் சிக்கிய கார்
பஹ்ரைனில் கார்-லாரி மோதி ஏற்பட்ட விபத்தில் 5 தொழிலாளர்கள் பரிதாபமாக உயிரிழந்தனர்
பஹ்ரைனில் கார்-லாரி மோதி ஏற்பட்ட பயங்கரமான விபத்தில் 5 பேர் பலியாகினர். இந்த சம்பவம் Salman Industrial பகுதியில் நேற்று இரவு நடந்தது. இடியின் தாக்கத்தால் கார் முற்றிலும் சேதமடைந்தது. இறந்தவர்களின் உடல் பாகங்கள் சாலையில் சிதறியதாக நேரில் பார்த்தவர்கள் கூறினர். இந்த பயங்கரமான விபத்தில் லாரியில் இருந்த ஒருவர் மட்டும் உயிர் தப்பினார். இறந்தவர்கள் வெளிநாட்டு தொழிலாளர்கள் என்று உள்ளூர் ஊடகங்கள் தெரிவித்தன. இறந்த 5 பேரில் 2 பேர் பாகிஸ்தான் நாட்டவர்கள், மேலும் 2 பேர் பங்களாதேஷ் நாட்டவர்கள் என்பதும் அடையாளம் காணப்பட்டுள்ளன.
மீதியுள்ள ஒருவர் யார் என்பது கண்டறிய முடியவில்லை. உடல்கள் உருக்குலைந்த நிலையில் அடையாளம் காண்பது கடினமாக இருந்ததாக அதிகாரிகள் தெரிவித்துள்ளனர். மேலும் பஹ்ரைனுக்கான பங்களாதேஷ் தூதர் முகமது நஸ்ருல் இஸ்லாம் அவர்கள் கூறுகையில், இந்த சம்பவம் குறித்து தனக்குத் தெரிவிக்கப்பட்டது என்றும், அவர் உயிரிழந்த நபர்கள் பணிபுரிந்த நிறுவனத்தின் உரிமையாளருடன் பேசினார் என்றும் கூறினார். சட்ட நடவடிக்கைகள் முடிக்கப்பட்டு அவர்களின் உடல்களை குடும்பத்தினருக்கு அனுப்பி வைக்க ஒத்துழைப்பு வழங்குவதாக உறுதி அளித்துள்ளதாக தெரிவித்துள்ளார்.
