குவைத்தில் கோவிட் தடுப்பூசி வழங்கல் தொடர்ந்து முன்னேறி வருவதாக சுகாதார அமைச்சகம் அறிவித்துள்ளது. ஒவ்வொரு மாதமும் நடுப்பகுதியில் புதிய தடுப்பூசி Batch நாட்டிற்கு வரும் என்று சுகாதார அமைச்சக அதிகாரிகள் தெரிவித்தனர். தடுப்பூசி கிடைப்பதைப் பொறுத்து அதிகமான மக்களுக்கு விநியோகிக்கப்படும் என்று அதிகாரிகள் தெரிவித்தனர். மற்ற நபர்களுக்கும் இந்த வார இறுதியில் அல்லது அடுத்த வார தொடக்கத்தில் தடுப்பூசி போடப்படும் என்று சுகாதார அமைச்சர் டாக்டர்.பசில் அல் சபா தெளிவுபடுத்தினார்.
கோவிட் தடுப்பூசி தற்போது முன்னுரை அடிப்படையில் சுகாதாரப் பணியாளர்கள், முதியவர்கள் மற்றும் நீண்டகால நோய்களால் பாதிக்கப்பட்டவர்களுக்கு விநியோகிக்கப்படுகிறது. தடுப்பூசி பெற இணையதளத்தில் பதிவு செய்யப்பட்டவர்களின் எண்ணிக்கை 1,25,000 ஐ தாண்டியுள்ளது என்று அல்-சபா கூறினார். தடுப்பூசி அனைத்து குடிமக்களுக்கும் வெளிநாட்டவர்களுக்கும் ஒரு வருடத்திற்குள் விநியோகிக்கப்படும் என்று சுகாதார அமைச்சர் தெரிவித்தார்.
பிப்ரவரியில் இரண்டாவது தொகுதி தடுப்பூசிகள் வரும்போது, அஹ்மதி மற்றும் ஜஹரா கவர்னரேட்டுகளில் இரண்டு தடுப்பூசி மையங்களின் வேலைகள் நிறைவடையும் என்றும் அவர் தெரிவித்தார். தற்போது, ஒவ்வொரு நாளும் சுமார் 1000 பேருக்கு தடுப்பூசி போடப்படுகிறது. தடுப்பூசியின் அதிக அளவு கிடைத்தால் தினமும் 10,000 பேருக்கு தடுப்பூசி போடவும் சுகாதார அமைச்சகம் திட்டமிடப்பட்டுள்ளது.
