குவைத்தில் வெளிநாட்டினரின் எண்ணிக்கையை குறைக்க நாடாளுமன்றத்தில் ஒருமனதாக சட்டம் நிறைவேற்றப்பட்டது:
அக்டோபர்-21,2020
குவைத்தில் வெளிநாட்டினருக்கு வேலை வாய்ப்புகளில் பெரிய பின்னடைவு வெளிநாட்டினரின் எண்ணிக்கையைக் குறைப்பதற்கான மசோதாவுக்கு நாடாளுமன்றம் நேற்று ஒப்புதல் அளித்துள்ளது.
அடுத்த 5 வருடங்களுக்குள் வெளிநாட்டு தொழிலாளர்கள் விகிதத்தை படிப்படியாக குறைக்கும் தீர்மானத்திற்கு இதோடு அனுமதி கிடைத்துள்ளது. இது வெளிநாட்டு மக்கள் தொகையை மீண்டும் சமநிலைப்படுத்துவதன் ஒரு பகுதியாகும், நாட்டின் மக்கள் தொகையில் 70 சதவீதத்திற்கும் அதிகமானோர் உள்ள நாட்டினரை சமநிலைப்படுத்துதல் உள்ளிட்ட பல முக்கியமான திருத்தங்கள் அறிமுகப்படுத்தப்பட்ட பின்னர் இந்த சட்டம் நிறைவேற்றப்பட்டது.
மக்கள்தொகை ஏற்றத்தாழ்வை நிவர்த்தி செய்ய இந்த சட்டம் அரசாங்கத்திற்கு அதிக அதிகாரங்களை வழங்கும் என்பது குறிப்பிடத்தக்கது. மேலும் கடந்த மாதம், குவைத் பாராளுமன்ற மனிதவள மேம்பாட்டு குழு வெளிநாட்டினர் விகிதத்தைக் குறைக்கும் 10 முக்கிய விதிகள் அடங்கிய மசோதாவுக்கு ஒப்புதல் அளித்திருந்தது குறிப்பிடத்தக்கது.
முன்மொழியப்பட்ட சட்டத்தின்படி, நாட்டிற்குத் தேவையான அதிகபட்ச வெளிநாட்டுத் தொழிலாளர்களையும், ஒவ்வொரு நாட்டிலிருந்தும் அதிகபட்சமாக வெளிநாட்டவர்களையும் தீர்மானிக்கும் அதிகாரம் அமைச்சரவைக்கு இருக்கும். சட்டம் இயற்றப்பட்ட ஆறு மாதங்களுக்குள் அமைச்சரவை ஒரு முடிவை எடுக்க வேண்டும். புதிய சட்டம் இயற்றப்பட்டதன் மூலம், இந்தியா,இலங்கை உள்ளிட்ட பிற நாடுகளிலிருந்து வேலைக்கு வரும் வெளிநாட்டவர்கள் ஒரு பெரிய சவாலை எதிர்கொள்ள நேரிடும் என்று மதிப்பிடப்பட்டுள்ளது.
